طريقة سهلة و ناجحة لتحضير البقلاوة الجزائرية

طريقة سهلة و ناجحة لتحضير البقلاوة الجزائرية



اضغط هنا لمشاهدة الصورة بالحجم الطبيعي.



تحضير عجينة البقلاوة :


المقادير :


- 4 كيلات فرينة
- كيلة زبدة ذايبة بصح الكيلة ناقصة حوالي 2 سم مش معمرة
- ماء وماء زهر



طريقة التحضير :
نحك مليح الفرينة بالزبدة ونلمها بالماء والماء الزهي حتى تبدا عجينة متماسكة

نقسمها كرات ونحطها في كيس



الحشو :



- 3 عبيرات لوز مطحون
- كيلة سكر عادي
- ماء زهر نلمو بيه العقدة بصح مش تتعجن بل تبقى مثل الكسكس حبات



الكيفية :


العجينة نحلها بالحلال ونفوتها في مشينة البقلاوة ابتداءا من اكبر رقم الى اصغر رقم
نحط طريق من العجينة على السنيوة المدهونة ونحط جنبه طريق اخرى حتى تتغطى طبقة السنيوة ونرجع ندهن وندير الطبقة الثانية عكس اتجاه الطبقة الاولى
وهكذا حتى نكمل 7 طبقات نفرش العقدة مليح ونبدا العجينة بنفس الطريقة الاولى
نقطعها ونزينها بالوردات ولا بحبة لوز
نطيبها على نار شوية قليلة
واول ما تخرج نعلسها بالعسل الدافئ